بقلم : إبراهيم عبدالكريم
قصيدة نشرت فيما قبل
بعنوان: بركان زينة الٲوطان
بركان بلادي يا زينة لٲمكان
ناسك همة ، شجاعة وشان
همة وقيمة في اجميع الميدان
شبان زارعين بالسهول ناشطين
غارسين أشجار الخروب والتشين
التوت، البلوط ف بلادنا ديما زاهيين
يا زناسني اترحم واشكر ربك
يعطيك من عندو إلى يوم الدين
ما تنساش اترحم على الشيوخ والمسنين
في المقاومة ناضلوا، عاشوا صابرين
رجال وإنسا على التحرير عازمين
التضحية وتوزيع السلاح كاتمين
خرجوا الاستعمار وهما ضاحكين
بني ازناسن أحرار منذ ازمان
اجبال واهضاب ٲو بين الويدان
يا الزاير رد بالك من العديان
تافوغالت، اعروست ل جميع لٲوطان
رجالها مذكورين في كل البلدان
الأشجار تزهر بفضل الرحمان
بركان على راسي ياخلان
يا لمهاجر لابد ما اترد بالك
ابلادنا زينة من مكان لاخر مكان
يا الرايح ليها زور سيدي أحمد ابر كان
سلمي على حبابي واصحابي في كل مكان
من القبيلة إلى دار افلان وافلان
الثوار وقفوا في وجه العديان
انتفاضة أكتوبر من تافوغالت للٲوطان
بركان أعلى راسي يا سيد الجدعان
سلم أعلى الأهل ولٲصحاب في كل مكان
برارج مازال عايش في نفس المكان
التاريخ ولٲكتوب اتزيدك امان على امان
الهمة واشطارا عند كل الأجيال
رجولة لٲبراكنا ما خلات مجال
الكرم والشهامة لٲولاد سيدي أحمد ابركان
إبراهيم عبد الكريم
تعليقات
إرسال تعليق