زجل محمد البراقي الزجال الحسناوي

بعنوان :يا المرا (ة)

سمعو يا لحباب
عمر ولد احدية
مايكون كيف ولد الطير الحر
الصقر جناحو مغطي الشجر
قمقومو  يهرس الحجر
معطي ليه الصبر
كتاب المكتاب
عاش عيشت القهر
نتفو ليه الريش م اجدر
والخا عظمو تهرس اجبر
زهرو عانا القهر
عودو   عثرات عثر
الحبيب خان وغبر
مابان ليه اثار..

غير خلوني
نار شاعلة مابغات تطفا
ولا جمرها هبا
عيوني على ليام  سايلة
بلا دموع باكية
الدمعة حايلة
شايفك گمرة
حوتة تعومي بلا ما(ء)
طلعت فلفلة حارة..

غيرخلوني كيت السمرا( ء)
مابغات تبرا
ماعرفت قلبي مالو
تغير حالو
بحال الحلمة
انت سبابو 
يا المرا (ة):
21/2/2019
بقلم محمد البراقي الحسناوي